image1 image1 image1

Thoes

 

 

 

 

 

Zaoterdig 2 fibberwarie oetrope Fobmötse

Zaoterdig 2 fibberwarie 2019 geit ‘t gebeure !Waem geit dit jaor ósse Prins Remco I opvolge als nuje veurgènger van de Fobmötse?? Onger ’t motto; ‘’Veur kieppe neet om’’ höbbe veur same mit alle angere vereiniginge d’r ein geweldig sjpektakelsjtök van gemaak veurig jaor. Vanaf ’t oetrope toet aan ‘t aaftraeje höbbe veur eine sjone tied gehad, sommige sjie...ne zelfs nag al in ’t Laurentius te kómme veur de probleme aan de laever… Via Facebook, de website en de Fobgazet höb geur alles kènne volgen van de vastelaovindj mit de Fobmötse. Ouch dit jaor blieve veur uch op de heugte haje van alles waat d’r sjpeelt (al is d’r biej zin natuurlik väöl sjoner). Mit de Instagrampagina höbbe veur ein nuuj platform wo ederein alles kèn laeze en zeen euver ózze Zjwamer vastelaovindj! Gaer wille veur via deze waeg nag ins Prins Remco I bedanke veur aafgelaope jaor. Gaer bedanke veur ouch Adjudanten-toppers Silas en Robbert! Zónger dees men woor ’t nootj zo sjoon gewaore. De foto van ózze Prins zal ouch op de digitale foto-lies van de Fobmötse kómme in ’t Kesjotje.

Boete ‘t feit det veur 2 fibberwarie ózze nuje hoogheid prizzentere, prizzentere veur ouch 4! nuje leje én ein nuuj pak! (ein sjone kombinasie tösse ‘t beste van Gucci en Hendriks mode)

En den.. waem waert de nuje hoogheid van dit jaor en geit Prins Remco I opvolge.....waert ‘t dit jaor weer eine man, of ein vrouw of gaon de Fobmötse dit jaor veur genderneutraal? Zaoterdig 2 fibberwarie gaot geur ‘t zeen in ’t Kesjotje. Tenminste.. es ‘t den nag neet bekènd is gewaore. Misjien kènt geur binnekort nag ein hint verwachte. Witte rouk is d’r in eder geval zeker! Kóm dus allemaol nao ’t Kesjot en laot uch verrasse. Toet zaoterdig 2 fibberwarie in ’t Kesjotje aan de Mert in Zjwame!
V.V. de Fobmötse

 

 

 

 

 

 

 

joomla templatesfree joomla templatestemplate joomla

Blue Flower

2019  VV de Fobmutse   globbers joomla template